İL
Heydər Əliyev
100 il öncə 1923-cü il may ayının 10-da Azərbaycan Respublikasının dövlətçiliyi, inkişafı və xalqın müstəqillik mübarizəsində müstəsna rolu olan, adı sağlığında belə əfsanəyə çevrilən dahi şəxsiyyət, Ümummilli Lider Heydər Əliyev anadan olub. Heydər Əliyevin adı olduqca istedadlı dünya siyasətçiləri arasında anılırdı. Ömrünü xalqının inkişafına, Vətəninin çiçəklənməsinə həsr edən Ulu Öndərin uzaqgörən fikirləri xalqın qəlbinə yol tapmış, məhz buna görə də kiçikdən-böyüyə hamının sevimli liderinə çevrilmişdi.
O, xalqın hər bir nümayəndəsi üçün təkcə siyasətçi və prezident kimi sevilmirdi, ona dahi şəxsiyyət kimi heyran qalır və hörmət bəsləyirdilər...
Azərbaycan Respublikasının Prezidenti cənab İlham Əliyevin qeyd etdiyi kimi: "Heydər Əliyev bütün zamanlarda, bütün dövrlərdə Azərbaycan xalqına ləyaqətlə xidmət etmişdir. Azərbaycanın müstəqilliyinin əbədi, dönməz olmasında, iqtisadi potensialının möhkəmlənməsində, bölgədə və dünyada nüfuzunun artmasında onun müstəsna xidmətləri var. Hazırda bu siyasət davam etdirilir. Bu gün ulu öndər Heydər Əliyev bizimlə deyil, ancaq onun siyasəti yaşayır, onun qurduğu müstəqil Azərbaycan yaşayacaqdır".
